Txomin Artola

Txomin Artola (Hondarribia, Gipuzkoa, 1948ko uztailaren 26a) euskal abeslaria da. Fernando Artola Bordari poeta eta idazlearen semea eta Urbil Artola musikariaren aita da.

Ez Dok Amairu kolektiboaren ondorengo euskal kantari eta musikaririk ezagunenenetakoa da Txomin Artola. Emari handikoa, bakarkako lanak eta beste hainbat musikarirekin izandako elkarlanak uztartu ditu ibilbide oparoan. Hainbat talde garrantzitsuko kide izana da (Haizea, Alboka…), eta bere diskogintzan inork ez bezala uztartu ditu folk ingeles eta amerikarraren eraginak euskal herri musikarekin.