Mikel Laboa

Hiru zutabek osatzen dute Mikel Laboaren (Donostia, 1934-2008) kantagintza: kantu tradizionalen berrekuratzeak, poeta garaikideen hitzen musikatzeak eta lekeitioak deituriko kantuen esperimentazioak. Osagai horiekin, Laboa euskal musikagintzaren erreferentzia handienetakoa izan da 60ko hamarkadatik hona: Ez Dok Amairu taldearen sortzaileetakoa eta kantagintzaren berritzaile nagusietakoa izan da, eta belaunaldi berriek izugarri errespetatzen eta miresten dute haren lana.