Kaparrak
Kaparrak 2023. urtean Aretxabaletan sortutako musika talde bat da, runba estiloa jorratzen duena[1].
Ibilbidea
Los Delinqüentes taldearen bertsioak egiten hasi ziren, hura baita hamaika lagunak elkartu dituen erreferentziazko taldea. Izenak berak ere Delinqüentesen “Garrapatero” hitzari egiten dio erreferentzia[1], Aretxabaletan akainari “kaparra” esaten zaio. Estraineko kontzertua 2023ko San Migel jaietan eman zuten Aretxabaletan[2].
2024an hiru bideoklip atera dituzte: “Bollikau”[3], “Gaupasa”[4] eta “Portasol”[5] Aretxabaletako auzo bati egindako ereserkia, Ekso eta Pxli abeslariekin batera. Euskara eta gaztelania nahasten dituzte haien abestietan[1]. “Loretxoa” eta “Maite zaitut” abestien runba bertsioak ere egin dituzte[6].
