indar bat dabil hor (zuzenean)
- Autorea(k): Mikel Markez
Bizi-legeak dio
argi bezain idor
gaztea hilkor dela
zaharra derrigor.
Herri batez, ordea,
zergatik ez aitor
hain zahar dela zeren
sortu zen ez-hilkor?
Ba, hala izan dadin
indar bat dabil hor.
Talde, xede, mugida
han tira, hemen bultz!
Zenbaitek uzten duen
Arima ta gorputz!
Su hori dena ezin
bihur liteke hauts
begiratzen badugu
heburu bereruntz
gailurra bertan dago
ezin da egin huts.
Gesalak haitzen kontra
haustean hartzen min
aparrak eman dezan
oinetan atsegin.
Gure erronka ez da
hil bat piztu dedin
baizik bizi den zerbait
biziago egin
sentituz geure eta
ondorengoen duin.
Gure aditz gutarrak:
gara, ginen, gaude.
Itsasoa bizi da
lorik egin gabe.
Gauden zu ta ni, denak,
olatuen alde!
Argia islatzen da
malkoetan ere
garaipen bat ospatuz
bada hainbat hobe!