Haur baten beharra

Euskal Karaokeen bilduma, KARAOKETEKA: https://txantxangorria.eus/?page_id=2873

Izar azpitan desira zoroz
ferekak doaz jostari
Gure leihoan ilunaz izu
erresinula koplari
Gorputz xuriez jabetu ezin
itzalak daude behari
itsas nagitik bortu gainera
deus ez zaio zor gauari

Ene maitea izar eztia
beha ezazu leihora
Ikusten duzun haurra nigarrez
jin balekizu altzora
Gaur berean har dezakegula
ez dezagun utz gerora
Horregatikan astiri oroz
heldu nitzaizu ondora

Zure begiak dira neretzat
esperantzaren kandela
Gauaz ispilu argiz iguzki
fideltasun dariela
Herri lasaia da zure loa
mundu bat zure sabela
Gaur ukan ezin biharko haurra
zuregan sor dadiela

Nahi ala ez elgar kondena
ez ibilikan nehola
Atseginetan goza gaitezen
gure gabeaz kontsola
Zaude ixilik ene maitea
ta idutazu axola
Noiz edo noiz da ostoz gabetzen
urik ez daukan arbola

Uhaitz eroak itsasoratuz
ematzen diren bezala
Ezin bertzean fidantzak noizbait
du galtzen bere ahala
Ene tristura ez ditaikea
maita ezaren seinala?
Suari ura den haur eskasak
gurea hil ez dezala!

Soz ikus ahal urrundik dator
maitamin haize gozoa
Guren hunkitik ixil-ixila
maitasunaren mintzoa
Deus guti maita dezakegula
ez izaitean zintzoa
Amodioa dela itzalkor
nola gaualdez eltzoa

Amodioa ezin bizia
zonbat den gauza krudela
Beharrik nauzu luzaz aditu
joan bainintzen bestela
Bihotzetikan datorrenari
nehoiz urduri naizela
Elgar maitez gaur bihar bezala
uros bizi gaitezela

Nehor guti da zutaz bestalde
nitaz mintzo dakienik
ene olerki oroetarik
zu zirela eztienik
Ai bertso hauen kantari banu
hautxo eder bat zuganik
Zer nahi denik sinets nezazu
nik zaitudala maitenik

http://www.txantxangorria.eus/
https://www.youtube.com/user/Euskalkaraokeak
Euskal musikaren txokoa karaoke formatuan.
Basque music