Harresiak eta zubiak
- Autorea(k): Xutik
HARRESIAK ETA ZUBIAK
Harresia aintzina
Babeserako zen.
Han eta hemen hainbat
Altxa genituen.
Erasuen aurrean
Beharrezko ziren
Harriak hesian-ta
Ea nor gogorren.
Harresien atzean
Gorde gintezkeen.
Harresien atzean
Trankatu gintuzten
Harresien azpian
Lozorrotu ginen.
Harresien atzean
banatuta geunden.
Harresiekin ohitu
Garen arren ia,
Ez al da Euskal Herrira
Goazen bidaia?
Haraino nola heldu
Hutsaren gainetik?
Harresia, bihurtu
Dezagun zubia.
Harresiak bihurtu
Ditzagun zubiak,
Euskal Herria bide
Zabal irekiak.
Harresien artetik
Elkartzen bagara,
Laster zubi gainetik
Pasatuko gara.
Bagoaz herri modu
Batetik bestera
Euskal Herri berria
Ja eraikitzera.
Harresiak bihurtu
Ditzagun zubiak,
Euskal Herrira bide
Zabal irekiak.
Denona den herria,
Denontzat egina!
Denon arteko baizik
Antolatu ezina!
Euskal Herrira goaz,
Bideak ireki!
Harresien artetik
Zubiak eraiki!
Joseba Sarrionandia