Gorbeiako haizea
- Autorea(k): Gontzal Mendibil
Udagoena eldu da erkien orrietara.
Sasi gorrinduen ganean, kantari bakar ta zoro,
txindorra*.
Eguzki laburrak ez dauka berorik.
Ez dago orlegi ez ori lantzarra*.
Eskortak igaroz,
beiak inoztu daben zelai-gueneko
pagadi zaarrean,
ezkur-azal baltzak t’orbelak lurrean.
Lorerik,
iru-lau moretxu banatu besterik,
ez da gelditu landetan.
Ardi ta zaldiak
maldan beera dakarz, uleak arrotuz,
arratsaldeko otzak,
an-emen labanka.
Txaboletaraiño jatsi da Gorbeiako aizea. [I]
Ba-nator.
Zugaitzen gerriak, leen baño apur bat
jausi ta zaarrago
iruditzen jataz.