Gontzal Mendibil
Xeberrirekin egin zituen Gontzal Mendibilek kantari moduan lehen urratsak, 70eko hamarkadan, baina ondoren bakarlari moduan egin du bidea. Bide emankorra. Hamar diskotik gora argitaratu ditu kantari bizkaitarrak, herri mugimenduari nahiz maitasunari eginiko kantuekin. Berak idatzi ditu kantatu dituen letra asko eta asko, baina euskal poeta garaikide askoren olerkiak ere musikatu ditu, eta Jose Maria Iparragirre eta Aita Arruperi eskainitako diskoak osatu ditu.