Gure esku dago (Gibelurdinek)

Gure esku dago (Gibelurdinek)

Gure esku dago, denon esku dago
beti amestu duguna
gure esku dago, denon esku dago
jendarte euskalduna
borondatez borondate
uztartu aniztasuna
gure esku dago, denon esku dago
beti amestu duguna

Europako bihotzean
apopilo gure etxean
Kantauri itsasertzean
Erriberako garia
altzairuzko garabia
teknologia ta euria
borondatez borondate
sortu mosaiko berria
gure esku dago, denon esku dago
zer den Euskal Herria.

Ai lerei lerei….
Borondatez borondate
uztartu aniztasuna
gure esku dago, denon esku dago
beti amestu duguna

Instrumentala.

Nahiak sortzen du ideia
elkarbanatzeko deia
suak kea, keak hodeia

Herriari galdetzea
da zutabez hornitzea
bihar-etzikoen etxea
borondatez borondate
mundua transformatzea
gure esku dago, denon esku dago
nahi bezala bizitzea.

Ai lerei lerei…
Borondatez borondate
uztartu aniztasuna
gure esku dago, denon esku dago
beti amestu duguna.

Instrumentala.

Ai lerei lerei… (azeleratua).
Borondatez borondate
uztartu aniztasuna
gure esku dago, denon esku dago
beti amestu duguna.