Euskal KARAOKE TXAPELKETA 2015/02/28a

19. KORRIKA Kulturala

ARAUDIA ETA HAUTUAK

Donibane-Ziburuko AEKk helduentzako euskal KARAOKE Txapelketa(ez profesionalentzat ; hauek publikoan izan daitezke gustuan) antolatuko du 2015/02/28an, larunbata, arratsaldeko 6etan hasita(parte-hartzaileek 5ak eta erditan bertan)eta gehienez 40 bikotek parte hartu ahalko du, denboran muga bat ezarri behar baitugu. Bikote bakoitzak 10 euro ordainduko du Donibaneko Sardin Erretegi(Portuan) gelaren sartzean. Beraz fite egin !

Izen/Deiturak eta telefono eta e-mailak eman beharko dizkiguzue izen-emaitean.

Bikoteka eta A capella arituko zarete kantuz Karaoke pantaila baten aintzinean, bertan erranen dizuegun ordenean.

Kantua, ondoan duzuen zerrendan hautatuko duzue(3 hautu eginez preferentziaren ordenean) eta e-mailez itzuli otsailaren 19ko berantenez ; kantu bakoitza behin bakarrik aukeratua izaten ahalko da.

Epaimahaia, Euskal-Herriko toki ezberdinetako kantari edota musikariz osatua izanen da eta sekretu pean atxikia txapelketa arte.

Bistan da, han, ostatu eta jatekoa izanen dira ere parte-hartzaile eta publikoarentzat.

Berri hau zuen ingurura heda ezazue, elgarrekin arrats goxo bat goza dezagun eta 19. KORRIKAri ongi etorria kanta diezaiogun.

HAUTUAK

Lotua den zerrendatik, 3 kantu hautatu behar dituzue(1etik -3ra) zuen preferentziaren arabera eta e-mailez itzuli gure helbidera otsailaren 19rako berantenez. Ondotik zein abestuko duzuen erranen dizuegu. Erantzunak eskuratuko ditugun ordenaren arabera, zuen kantua zein izanen den erranen dizuegu.