Ekilibrista

http://www.markosuntzeta.eus/

Nora ote da so ekilibrista?
Non pausatzen ditu begiak,
ezbaian hari mehe gainetik
erori ez dadin hutsean?

Alde batean dakusa beldurra,
adorea bestean.
Biak ote behar?

Nora ote da so ekilibrista?
Non pausatzen ditu begiak?
Nola ikusten du inguratzen duen mundua
orekarik gal ez dezan?

Eskuetan trabeska duen indarrak
eusten al du harian
bere ibilia?

Nora ote da so ekilibrista?
Non pausatzen ditu begiak?
Nola ekidin hutsean amiltzea
zalantzak baino ez dituenean?

Ikusmira aurrean duela,
ezin jarri atzean.
Hor ote gakoa?

Nora ote da so ekilibrista?
Non pausatzen ditu begiak?
Inguratzen duen mundua ulertzen
begira nola saiatzen den.

Euskal Karaokeen bilduma, KARAOKETEKA: https://txantxangorria.eus/?page_id=2873
http://www.txantxangorria.eus/
https://www.youtube.com/user/Euskalkaraokeak
Euskal musikaren txokoa karaoke formatuan.
Basque music