2zio
Bizkaitar batek (Gorka Rodriguezek) eta bi lapurtarrek (Odei Barroso bertsolariak eta Jo Olaskoaga M.A.K. taldeko kide ohiak) osatzen dute rap talde hau. Pausuz pausu lehen diskoan “musika iluna eta letra aldarrikatzaileak” batu zituen, eta Bideak bigarren diskoan “sentipen sakonak eta gizarte kritika ardatz duten gaiak” landu ditu “argi ilunez beteriko melodietan”. Ibilbide laburra egin badu ere, plaza garrantzitsuetan jotzeko aukera izan du, Euskal Herria Zuzenean jaialdian esaterako. Fermin Muguruzak taldea gonbidatu zuen No More Tour biraren barruan Miarritzeko kontzertuan parte hartzera.